返到英國就要立即準備倫敦馬。因為咁啱預著公司有project 要上，所以無得請假, 唯有盡量捉緊時間放鬆同拉筋。公司係東倫敦，同expo 都算近，我就揀咗星期四lunch time 去。我都係第一次坐Elizibert line, 又真係好新好乾淨，同其他underground 差太遠。
去到Expo, 會場唔太多人，不過N 記啲貨都係俾人搶購緊。其他大會參展俾子又同栢林EXPO 差唔多喎，例如HOKA 同ON Running, 所以搵完亞Jan… 個名就走啦😜。
到比賽當日，其實仲係有啲唔慣跑六大係會由屋企出發。不過咪以為係屋企出發似好方便. 其實個路程係超轉折, 起步點係喺倫敦東 面嘅greenwich，而我就住係西面，仲要咁啱呢幾日火車公人罷工，班次縮減左. 由西去東，要轉三次車，加埋上上落落車站，我要早2 個鐘頭出門口，先可以趕得切。仲有呀，大會就話比賽當日，所有underground同overground 都係唔洗錢. 不過我轉嚟轉去都係坐火車，跟本就對我無用。
去到起點，就比起栢林馬冷清. 因為佢分咗三條路線起步，而每條路線又再分咗起步組別，變咗每一組起步人數唔多. 又咁講，其實係好事嚟嘅，起馬寄行李去厠所上線都流水作業，非常順利。
兩個馬拉松比較，倫敦馬好似多啲人扮鬼扮馬，我問其中一位點解要咁著，佢就話自己今年無乜點練到，所以就搵啲公仔野嚟扮下，咁就可以有另種投入。開始跑後沿路都仲有好多其他唔到角色，有犀牛，有Dory，有Big Ben, 仲有full gear 嘅真消員. 另一個比較係跑嘅路比起栢林馬係窄啲，仲要可能因為倫馬無時間limit, 所以好多人跑跑下會係路中心停落嚟或者慢慢行，仲有啲人係一字排開咁行，又或者話停就停，要成日都打醒精神唔可以跟車太帖，唔係就好易撞到前面.
我同之前一樣都set 咗Heart rate (HR) zone alert, 希望可以做返同栢林馬差唔多pacing 完成就好滿足。去到 10公里之後就發覺唔得啦，油缸無油就係無油，對腳真係無力, 原本係諗住開始時唔好太快，等去到後啲先慢慢加返快. 點知真係諗下好啦. 10K後係真係想快都無得快，HR 同pacing 原全都上唔到. 不過叫咗老婆同屋企人接放學，又唔可以遲得太過份. 所以唯有放棄唔睇錶，放鬆去跑 easy 過easy 嘅easy run. 目的係跑完而唔洗行。
沿路打氣不絕，等別係過tower bridge 同最後5 公里入central london，所有人出曬嚟打氣咁，超熱鬧. 終點設計都好有心思, 經過BIG BEN 要先跑向白金漢宮再轉去另一條大馬路the mall衝線... 咁衝線相嘅背景就會係白金漢宮，因為個背景實在太有意思，所以就俾錢買相啦.
